Bisan unsa pa ikaw ka malampuson
Kung wala ikaw nahimong bag-ong binuhat Diha ni Ginoong Hesus, kini walay kapuslanan Molabay tanan nimong gipasigarbo Pagkamaalamon, ambongan, pagkamalampuson o pagka relihiyoso Bisan pa ang imong pamilya nga maoy imong garbo Ug samtang ikaw nagatoo Nga ikaw naa sa dalan nga sakto Tungod kay ikaw gibuligan Sultian ko ikaw, higala kini walay kamatuoran Ug sa kasingkasing mo ikaw nalimbongan Ang relihiyon magtudlo kanimo sa pagbuhat ug maayo Uban sa panghinaut nga ikaw ma santo ug sa langit mahiadto Wala ikaw kasiguroan kung sigo ba imong binuhatan Aron kaluwasan tiunay nimong mabatonan Pero higala karon pa lang, ikaw akong pahimangnoan Ayaw isugal ang imong kaluwasan sa walay kasiguroan Kay ang kamatayon dili maoy utlanan Kundili mao lamang ang sinugdanan sa walay katapusan Ang simbahan nagtudlo kanimo Sa langit pwede pa ikaw mahiadto Gikan sa kalayo sa purgatoryo Pero sa bibliya walay purgatoryo Kundili langit lamang o impyerno Kung ikaw dili makatoo Susiha sa bibliya aron pagsiguro Higala ayaw ipaugma pa Pangitaa ang kamatuoran mentras may higayon pa (Juan 14:6) Ang kamatuoran maoy bugtong makahatag ug kagawasan Kagawasan gikan sa walay kasiguroan Kagawasan gikan sa bakak nga pagtulon an Nga maoy magdala kanimo sa kasakit nga walay kahumanan Paghinulsol ug tuohi ang maayong balita Kay pinaagi lamang sa pagtoo kang Ginoong Hesus ikaw makalingkawas Sa kapungot sa Dios alang sa mga makasasala Kay diha sa hingpit nga pagkamatarong sa Dios Matarong gihapon bisan kung iyang pasayloon si kinsa kadtong malapason Tungod sa gibuhat ni Ginoong Hesus didto sa krus Gibayran niya ang silot nga diin kita angayan nga makaangkon Ayaw ug paglangay kundili uwahi na unya ang imong pagmahay Duol sa tiilan sa Dios Nga mahinulsolan ug may pagsalig sa tibuok ni Ginoong Hesus!
0 Comments
|
Archives
May 2024
Categories |